திவ்யா தைலியண்ணன்
14 Oct 2025
அரவிந்தனின் ‘புதைமணல்’ சிறுகதைத் தொகுப்பு பற்றி
“தொகுப்பிலுள்ள பத்துக் கதைகளும் தனித்துவமான கதைகள், வித்தியாசமான அனுபவத்தை நிச்சயம் உருவாக்கும்.”
Saravanan Manickavasagam
27 Sep 2025
அரவிந்தன் எழுதிய ‘புதைமணல்’ (சிறுகதைகள்) பற்றிய பார்வை
“பத்துச் சிறுகதைகள் கொண்ட இந்தத் தொகுப்பில் உள்ள கதைகள், வெவ்வேறு விஷயங்களைப் பேசினாலும் அன்றாடங்களின் சிக்கல்களில் அகப்பட்டுத் தவிக்கும் சராசரி மனிதர்களே திரும்பத்திரும்ப வருகிறார்கள்.
'பதற்றம்', 'கால்களில் துவளும் காலம்' கதைகள் Fragile themeகளைக் கொண்டவை. அரவிந்தனின் Presentation அந்தக் கதைகளை வலுவானதாக்குகிறது. ' உடல்' கதை அரவிந்தனின் inherent talentஐ நிரூபிக்கும் கதை.
நல்ல சிறுகதைகளை வாசிக்க விரும்பும் அனைவருக்கும் இத்தொகுப்பைப் பரிந்துரைக்கிறேன்.”
நன்றி: சரவணன் மாணிக்கவாசகம் (முகநூல் பதிவு)
பால்நிலவன் (தி இந்து நாளிதழ்)
3 Jan 2026
அரவிந்தனின் ‘புதைமணல்’ சிறுகதைகள் நூல் அறிமுகம்
‘மாநகர வாழ்வின் பிரதியட்ச மனவெளி’
…அடுக்கக வாழ்க்கையை விவரிக்கிறது ‘புதைமணல்’. மாடியில் துணி காயப் போடுவதில் மற்றவர் இடத்தை ஆக்கிரமித்து அடுக்ககத்தின் விதிமுறைகளை மீறும் ஒரு பெண் பெரிய இடங்களில் செல்வாக்கு மிக்கவள். அங்கு வசிக்கும், சக்கரவர்த்தி என்ற பத்திரிகையாளன் நியாயம் கேட்கிறான். அது சட்ட சிக்கலை ஏற்படுத்திவிட விசாரணைக்காக காவல் நிலையம்வரை அழைத்துச் செல்லப்படுகிறான். காவல்துறை, நீதிமன்றம் என்றெல்லாம் எக்கச்சக்கமாகிவிட, சாமானியனின் நிலை எவ்வளவு சிக்கலாகிறது என்பதை வலியோடு பேசுகிறது இக்கதை…
நன்றி: பால்நிலவன் (தி இந்து நாளிதழ்)
முழுப்பதிவையும் பார்க்க:
https://www.hindutamil.in/news/literature/puthaimanal-book-review-in-tamil
