பழைய சினிமா புதிய வரலாறு

-தமிழ் மக்கள் திரளைப் போல சினிமாவை வழிபடும் கூட்டம் வேறில்லை. அவர்களது அந்தரங்கத்திலும் பொதுப் புழக்கத்திலும் திரைப்படம் வலுவான தாக்கத்தை ஏற்படுத்தியிருக்கிறது; ஏற்படுத்திவருகிறது.

சி னிமாவைக் கலையாகவும் கலாச்சார நிகழ்வாகவும் ஆவணப்படுத்தி வைக்கும் அரிய செயலை இந்த நூல் மேற்கொண்டிருக்கிறது. திரைப்படத்தைப் பண்பாட்டு அடையாளம் என்ற வகையில் வரலாற்றுப் பார்வையுடனும் நம்பகமான தரவுகளின் துணையுடனும் ஆவணப்படுத்துகிறது. சினிமாவின் வரலாற்றை மட்டுமல்ல ஒரு காலகட்டத்தின் தமிழ்ச் சமூக வாழ்கையையும் பாதுகாத்து அளிக்கிறது இந்த நூல்.

திருவாளர் புராணம்

-கவிதைக்கும் பகடிக்கும் மிகுந்த ஏற்புண்டு. பழந்தமிழ் இலக்கிய மரபிலும் இதற்குப் பல சான்றுகளைக் காட்ட முடியும். ‘திருவாளர் புராணம்’ நம் சமூகத்தில் நீக்கமற நிறைந்திருக்கும் அதிகாரத்தைப் பகடி செய்யும் கவிதைகளையும் தீவிரமாக விமர்சிக்கும் கவிதைகளையும் கொண்ட தொகுப்பு.

நாவல், சிறுகதை எனப் புனைவுகளில் இயங்கிவரும் பெருமாள் முருகன் இடையறாது கவிதைகளும் எழுதிவருகிறார். அவர் கவிதைகளின் உரிப்பொருள் பலதரப்பட்டவை. முந்தையவற்றில் இருந்து வேறுபட்ட பொருளில் அமைந்த இக்கவிதைகள் சம்பவங் களாகவும் பாத்திரச் சித்திரிப்புகளாகவும் விரிந்து நிகழ்த்துகலை யின் தன்மை கொண்டுள்ளன. கோபத்தோடும் எள்ளலோடும் வாய்விட்டு வாசிக்கத்தக்க ஓசைநயமும் இவற்றில் இருக்கக் காணலாம்.

குரங்கிலிருந்து சிதாருக்கு

-நாம் கவனிக்கத் தவறிய எளிய கணங்களில் ஒளிந்திருக்கும் பிரம்மாண்ட அழகை, நாம் காணாது கடந்துவிடும் எளிய மனிதர்களிடம் தென்படும் பேரழகை நமக்குக் காட்டி நிற்பவை இந்தக் கவிதைகள்.

இந்தத் தொகுப்பில் இசையின் கவிதைகளில் விசேஷமாக ‘ஏதோ ஒன்று’ கூடி வந்திருக்கிறது. அது இந்தக் கவிதைகளை இருதயத்துக்கு நெருக்கமாக்குகிறது. அந்த ஒன்று கொஞ்சம் கூடிவிட்டாலும், கொஞ்சம் குறைந்துவிட்டாலும் கூவியது குயில் அல்ல என்றாகி விடக்கூடியது.

வாழ்வின் எல்லாத் தருணங்களிலும் எழுந்துவர இசையிடம் ஒரு கவிதை உண்டு.

இரா. பூபாலன்

பால்புதுமையினர் பெருமித மாத சிறப்புப் புத்தகச் சலுகை

-பால்புதுமையினர் பெருமித மாதம்: காலச்சுவடு சிறப்புப் புத்தகச் சலுகை

பால்புதுமையினர் பெருமித மாதத்தை (LGBTQA+ Pride Month) முன்னிட்டு, அவர்களின் வாழ்வியலையும் போராட்டங்களையும் பேசும் முக்கியமான 4 நூல்களுக்கு காலச்சுவடு 25% விலைக் குறைப்பு வழங்குகிறது.

• பசித்த மானிடம் – கரிச்சான் குஞ்சு

• மோகனசாமி - வசுதேந்த்ரா

• சொல்லக் கூடாத உறவுகள் – சூசன் ஹாதோர்ன்

• நீண்ட பயணத்தின் சிறிய தொடக்கம் - அக்கை பத்மசாலி

விலை விபரம்:

• இந்த நான்கு நூல்களின் மொத்த விலை: ₹1340

• சிறப்புச் சலுகை விலை: ₹940 மட்டுமே!

• (இப்புத்தகங்களைத் தனித்தனியாக வாங்கும்போதும் 25 சதவீத விலைக் குறைப்பு உண்டு)

கு. அழகிரிசாமியின் நாட்குறிப்புகள் (1951-1970)

எழுத்தாளர் கு. அழகிரிசாமியின் நாட்குறிப்பு இது. நவீன - தமிழ் எழுத்தாளர் ஒருவரது நாட்குறிப்புகள் நூலாக வெளிவருவது இது முதல்முறை.
எழுத்தை மட்டுமே ஜீவனமாகக் கொண்டு வாழ்ந்த, முற்போக்குச் சாய்வுள்ள, முழுநேரத் தமிழ் எழுத்தாளரின் நாட்குறிப்புகள் இந்நூல்.
ஒவ்வொரு நாட்குறிப்பிலும் உணர்ச்சி கலந்திருக்கிறது; அனுபவம் உள்ளோடியிருக்கிறது; இலக்கியம் வெளிப்படுகிறது; சுவாரசியம் குமிழ்விடுகிறது. சந்தித்த மனிதர்கள், நேர்ந்த சம்பவங்கள் பற்றி ஆழமான பார்வைகள் கொண்டது, பல சமயம் கண்ணிவெடிகளை ஒத்த விமர்சனங்களுடன் கூடியது.
நெருப்பெனச் சுடும் வாழ்க்கையை எதிர்கொண்ட, அறத்தில் நம்பிக்கையுள்ள ஒரு கலைஞனின் தினசரிக் குறிப்புகள் இவை.

பேட்டை (இ-புத்தகம்)

தமிழ்ப்பிரபா எழுதியுள்ள ‘பேட்டை’ சென்னையின் சிந்தாதிரிப்பேட்டை பகுதியைத் தன் களமாகக் கொண்டுள்ள நாவல். நிலப்பரப்புசார் படைப்புகளுக்கே உரிய ஆதாரமான தன்மைகள் பலவற்றையும் இயல்பாகத் தன்னுள் கொண்டிருக்கிறது. அந்தப் பகுதி உருவான விதம், அங்கு வாழ்க்கை உருப்பெற்று, உருமாறிவந்த விதம், அந்தப் பகுதியின் தன்மையைத் தீர்மானிக்கும் பல்வேறு காரணிகள், தர்க்கத்துக்குள் அடங்காத வாழ்வின் கோலங்கள் ஆகியவை புனைவுத் தன்மையுடன் வெளிப்படுகின்றன. படைப்புக்குத் தேவையான நம்பகத்தன்மையுடனும் இவை வெளிப்படுகின்றன. மனிதர்கள், அவர்களின் மொழி, தொழில்கள், நம்பிக்கைகள், வசவுகள், மதிப்பீடுகள், சண்டைகள், ஏமாற்றங்கள், சாதனைகள், சறுக்கல்கள், மோதல்கள், உறவுகள், பிறழ்வுகள் எனப் பல்வேறு அம்சங்களும் இந்நாவலில் ஊடுபாவாய்க் கலந்துள்ளன.
காலமாற்றத்தை அடிக்கோடிட்டுக் காட்டாமல் இயல்பாகவும் நுட்பமாகவும் வெளிப்படச்செய்வது மேலான படைப்புத் திறனுக்கே சாத்தியப்படும். இந்த நாவலில் அது சாத்தியப்பட்டிருக்கிறது. சென்னையின் விளிம்புநிலை மக்களின் வாழ்வு குறித்த அழுத்தமான சலனங்களை ஏற்படுத்தும் புனைவுகள் வாசகப் பிரக்ஞையில் அரிதாகவே வருகின்றன. தமிழ்ப்பிரபாவின் ‘பேட்டை’ அத்தகையதொரு முக்கியமான படைப்பு.

பேய் முலை அமுது

பால் அடையாளச் சிக்கல்களை நுட்பமாகவும் தன் மரபின் பாரம்பரியத்துடன் இசைந்தும் கையாண்ட முதன்மையான கவிஞர்களுள் ந. ஜயபாஸ்கரனும் ஒருவர். அச்சிக்கல்களுடன் போராடிக்கொண்டிருக்கும் அவரது கவிதைப் பயணம் திருவாலங்காட்டுக்குப் பால் அடையாளங்களற்றுப் பால்களைக் குழப்பும் அர்த்தநாரியின் காலடியில் அமர்ந்திருக்கும் காரைக்கால் பேயிடம் வந்துசேர்ந்திருக்கிறது. உலகைத் துறந்து பால் அடையாளங்களைத் துறப்பதே அச்சிக்கல்களுக்கான தீர்வு என்பதுபோல். இக்கவிதைகளில்  விடைபெறும் தொனியும் இருக்கிறதோ என்று என்னையே கேட்டுக்கொண்டேன்; அது உண்மையெனில் பாதகம் ஒன்றுமில்லை. பெரியம்மாவின் சுவாரசியத்தைக் கவிதையில் கைப்பற்றியதே அவர் கவிதையின் உச்சம்.

கன்னட இலக்கியப் பொக்கிஷங்கள்: விலைக் குறைப்புச் சலுகை!

கன்னட இலக்கியப் பொக்கிஷங்கள்: விலைக் குறைப்புச் சலுகை!

கன்னட வாழ்வியலையும் பெண் எழுத்துலகின் ஆளுமைகளையும் தன் அசாத்திய மொழிபெயர்ப்பால் தமிழிற்குத் தந்தவர் நஞ்சுண்டன். அவரால் தொகுக்கப்பட்ட இரு முக்கிய சிறுகதைத் தொகுப்புகள் இப்போது அரிய சலுகை விலையில்.

1. ’மரணம் மற்றும்...’ (கன்னடச் சிறுகதைகள்)

மனித வாழ்வின் ஆழமான பக்கங்களைப் பேசும் தனித்துவமான கதைகள். 

*விலை: ₹100*

2. ‘அக்கா’ (கன்னடப் பெண் எழுத்தாளர்களின் சிறுகதைகள்)

பெண் எழுத்தாளர்களின் தனித்துவக் குரலையும் சமூகப் பார்வையையும் பிரதிபலிக்கும் முக்கியத் தொகுப்பு.

*விலை: ₹290*

*இரு நூல்களின் மொத்த விலை: ₹390/-*

*சிறப்பு விலைக் குறைப்பில்*

*வெறும் ₹250/- மட்டுமே!*

தரமான இந்திய இலக்கியங்களைச் சேகரித்துக்கொள்வதற்கு அருமையான வாய்ப்பு.

ஆன்ம வணிகன்

தனது கடந்தகால சுயத்தை அறியும் பொருட்டு முன்பு மேற்கொண்ட பயணங்களின் பாதையில் மீண்டும் பயணிக்கும் கதைசொல்லி, தான் முன்பின் அறிந்திராத ஒரு தீவில் தங்க நேர்கிறது. பண்டைய மரபுகளிலிருந்து நவீனத்துக்கு மாறிக்கொண்டிருக்கும் அந்தத் தீவின் விசித்திரமும் மர்மமுமான நிகழ்வுகளை அவர் பின்தொடர்கிறார்.

இந்தோனேசியாவில் உள்ள சிம்பா என்னும் சிறிய தீவில் நடக்கும் நிகழ்வுகளே 'ஆன்ம வணிகன்' நாவலின் களம். நவீன வாழ்க்கை முறையும் நம்பிக்கையின்பாற்பட்ட பண்டைய வழக்கங்களும் பொருதும் புள்ளியே இதன் மையம். சுவாரஸ்யமான மனிதர்கள், அவர்களைக் காட்டிலும் சுவாரஸ்யமான நிகழ்வுகள் என விரியும் இந்த நாவல், முற்றிலும் புதிய வாழ்க்கை முறைகளைக் கொண்ட விசித்திர நிலப்பகுதிக்குள் பயணித்து அதை உள்ளார்ந்து அறியும் உணர்வைத் தருகிறது.

கீழைத்தேய வாழ்க்கை முறைகளின் வழக்கங்களையும் சடங்குகளையும் மேலைத்தேயப் பார்வையுடன் தனது படைப்புகளில் கையாள்பவர் இவால்ட் ஃப்ளிஸர். கீழைத்தேயப் பண்பாட்டுக் கூறுகளின் விநோதத்திற்காக அல்லாமல், அவற்றுடன் பிணைந்த அகவாழ்வையும் விழுமியங்களையும் அவை நிகழும் நிலத்துடன் பொருத்தி முன்னிலைப்படுத்துபவர். அவருடைய இந்த நாவலும் இதே வழியில் பயணம் செய்கிறது.

சுந்தர ராமசாமி 95

-நவீன நாவல் இலக்கியத்தின் முகத்தை மாற்றிய மூன்று மகத்தான படைப்புகள்

சுந்தர ராமசாமி 95

நவீனத் தமிழிலக்கியத்தின் முன்னோடிகளில் ஒருவரான சுந்தர ராமசாமியின் 95வது பிறந்தநாளை முன்னிட்டு அவருடைய 3 நாவல்களுக்கும் காலச்சுவடு சிறப்புச் சலுகை வழங்குகிறது.

ரூ.1320 மதிப்புள்ள நூல்கள்

ரூ.990 மட்டுமே

ஞானக்கூத்தன் கட்டுரைகள் (முழுத் தொகுப்பு) (இ-புத்தகம்)

நவீன தமிழ்க் கவிதை முன்னோடிகளில் ஒருவரான ஞானக்கூத்தன், கவிதைகளைவிட அதிக அளவில் கட்டுரைகள் எழுதியிருக்கிறார். இக்கட்டுரைகள் அவர் கவிதைகளின் அழகியலும் அரசியலும் எந்த விதமான பின்னணியிலிருந்து வருகின்றன என்று காட்டுவதோடு அவரது நவீனத்தை இயக்கும் மரபு மனத்தையும் வெளிப்படுத்துகின்றன. பெருமளவு கவிதை பற்றியே எழுதியிருக்கும் ஞானக்கூத்தன், செய்யுளியல், அவர் பார்வையில் சங்க காலச் சமூகம், பாரதியாரின் வாழ்க்கை, கவிதை, புதுக்கவிதை வரலாறு, சமகாலக் கவிஞர்கள், இலக்கிய அரசியல் போன்ற விஷயங்களில் குறிப்பாகக் கவனம் செலுத்தியிருக்கிறார். தமிழ், சமஸ்கிருதம், ஆங்கிலம் ஆகிய மொழிகளில் உள்ள பல இலக்கண, இலக்கிய நூல்களை ஞானக்கூத்தன் விரிவாகப் படித்திருக்கிறார். குறிப்பாகத் தமிழிலும் வடமொழியிலும் தொல்காப்பியர், அபிநவகுப்தர், ஆனந்தவர்தனர் முதலிய ஆசிரியர்களின் வரையறைகளையும் கருத்தாக்கங்களையும் வெவ்வேறு காலகட்டங்களைச் சேர்ந்த கவிதைகளுக்குப் பொருத்திக் காட்டுகிறார். ஞானக்கூத்தன் படைப்புகளில் தரம் பார்ப்பதுபோல் அவற்றை மதிப்பீடுகளின் அடிப்படையிலும் விமர்சிக்கிறார். இந்த மதிப்பீடுகள் வடமொழி நீதி நூல்கள், சாஸ்திரங்களிலிருந்து வருகின்றன. மது அருந்துதல், புலால் உண்ணுதல், காதல், கலப்புத் திருமணம், காமம், வன்முறை, திருமணத்திற்கு முன்பு உடலுறவு, பேச்சுத் தமிழ், வட்டார வழக்கு போன்றவை படைப்புகளில் இடம்பெறும்போது அவை ஏற்பியல் லட்சணங்களுக்கு விரோதமாக இருப்பதைச் சுட்டிக்காட்டுகிறார்.

ஞானக்கூத்தன் கட்டுரைகள் முழுத் தொகுப்பு

-தொகுதி I : நவீன தமிழ்க் கவிதை முன்னோடிகளில் ஒருவரான ஞானக்கூத்தன், கவிதைகளைவிட அதிக அளவில் கட்டுரைகள் எழுதியிருக்கிறார். இக்கட்டுரைகள் அவர் கவிதைகளின் அழகியலும் அரசியலும் எந்த விதமான பின்னணியிலிருந்து வருகின்றன என்று காட்டுவதோடு அவரது நவீனத்தை இயக்கும் மரபு மனத்தையும் வெளிப்படுத்துகின்றன. பெருமளவு கவிதை பற்றியே எழுதியிருக்கும் ஞானக்கூத்தன், செய்யுளியல், அவர் பார்வையில் சங்க காலச் சமூகம், பாரதியாரின் வாழ்க்கை, கவிதை, புதுக்கவிதை வரலாறு, சமகாலக் கவிஞர்கள், இலக்கிய அரசியல் போன்ற விஷயங்களில் குறிப்பாகக் கவனம் செலுத்தியிருக்கிறார்.

தமிழ், சமஸ்கிருதம், ஆங்கிலம் ஆகிய மொழிகளில் உள்ள பல இலக்கண, இலக்கிய நூல்களை ஞானக்கூத்தன் விரிவாகப் படித்திருக்கிறார். குறிப்பாகத் தமிழிலும் வடமொழியிலும் தொல்காப்பியர், அபிநவகுப்தர், ஆனந்தவர்தனர் முதலிய ஆசிரியர்களின் வரையறைகளையும் கருத்தாக்கங்களையும் வெவ்வேறு காலகட்டங்களைச் சேர்ந்த கவிதைகளுக்குப் பொருத்திக் காட்டுகிறார்.

தொகுதி II

ஞானக்கூத்தன் படைப்புகளில் தரம் பார்ப்பதுபோல் அவற்றை மதிப்பீடுகளின் அடிப்படையிலும் விமர்சிக்கிறார். இந்த மதிப்பீடுகள் வடமொழி நீதி நூல்கள், சாஸ்திரங்களிலிருந்து வருகின்றன. மது அருந்துதல், புலால் உண்ணுதல், காதல், கலப்புத் திருமணம், காமம், வன்முறை, திருமணத்திற்கு முன்பு உடலுறவு, பேச்சுத் தமிழ், வட்டார வழக்கு போன்றவை படைப்புகளில் இடம்பெறும்போது அவை ஏற்பியல் லட்சணங்களுக்கு விரோதமாக இருப்பதைச் சுட்டிக்காட்டுகிறார்.