வடஇந்திய பக்தி இலக்கிய மரபின் மகாகவி கபீர். அவதி மொழியில் பாடப்பட்ட இவரது பாடல்கள் இந்தி இலக்கியத்தில் பெரும் செல்வாக்கைச் செலுத்தியுள்ளன. இவரது வாழ்வைக் குறித்து வழங்கிவரும் வாய்மொழிக் கதைகளிலிருந்து கபீர் 1398ஆம் ஆண்டு காசிக்கு அருகிலுள்ள மகார் என்ற ஊரில் நெசவைக் குலத்தொழிலாகக் கொண்ட இஸ்லாமியத் தம்பதிக்குப் பிறந்ததாக நம்பப்படுகிறது. இவருக்கு லோபி என்ற மனைவியும் கமால், கமாலி என்று இரு குழந்தைகளும் இருந்ததாகப் பிற்கால நூல்கள் சொல்கின்றன. தன் வாழ்நாளின் பெரும்பகுதியைக் காசியிலேயே கழித்த கபீர் 1448ஆம் ஆண்டு மகாரில் மறைந்ததாகக்  குறிப்பிடப்படுகிறது.