ரா.அ. பத்மநாபன் (1917 - 2014) 1921இல் காலமான பாரதியை நேரில் அறிந்த நண்பர்கள் அவரை நினைவுகூர்ந்து எழுதிய கட்டுரைகள் இவை. பாரதி அறிஞர் ரா.அ. பத்மநாபனின் பெருமுயற்சியில் உருவான அரிய தொகுப்பின் புதிய பதிப்பு இது. பாரதி என்ற ஆளுமையை அறிந்துகொள்ளவும் புரிந்துகொள்ளவும் இன்றியமையாத துணைநூல் இது. பாரதி புதையல் திரட்டுகள், சித்திரபாரதி ஆகிய நூல்களை வழங்கியவர் பாரதி அறிஞர் ரா.அ. பத்மநாபன். தமது பதினாறாம் வயதிலேயே தமிழ்ப் பத்திரிகை உலகில் நுழைந்துவிட்ட ரா.அ. பத்மநாபன், ஆனந்த விகடன், ஜெயபாரதி, ஹநுமான், ஹிந்துஸ்தான், தினமணி கதிர், அகில இந்திய வானொலி, அமெரிக்கத் தூதரகச் செய்திப் பிரிவு ஆகியவற்றில் பணியாற்றியவர். தமிழக அரசு 2003ஆம் ஆண்டுக்கான பாரதி விருதை இவருக்கு வழங்கியது. வ.உ.சி., சுப்பிரமணிய சிவா, வ.வே.சு. ஐயர், நீலகண்ட பிரம்மச்சாரி முதலான தேசிய இயக்கப் பெருமக்களின் வாழ்க்கை வரலாற்றையும் இவர் எழுதியுள்ளார்.