எல்லாம் இழந்த பின்னும்

₹200.00

-மேலும்

நூலாசிரியர்: சாந்தினி வரதராஜன் |
வகைமைகள்: புதிய வெளியீடுகள் | சிறுகதைகள் |

-புலம்பெயர் படைப்புகளில் நினைவுகளும் ஏக்கங்களும் நிறைந்திருப்பது இயல்புதான். யாழ்ப்பாணத்தில் பிறந்து 25 வயதில் ஜெர்மனிக்குப் புலம்பெயர்ந்த சாந்தினி வரதராஜனின் கதைகளும் இதற்கு விதிவிலக்கு அல்ல. இவரது கதைகளில் வீடும் ஊரும் அம்மாவுமெனக் கவலைகள் நிறைந்து வழிகின்றன. ஏணியின் உச்சத்தில் வாழ்ந்த வாழ்க்கையை மலைப்பாம்பொன்று விழுங்கிப் பூச்சியத்தில் தள்ளிவிட்டது போலான புலம்பெயர் வாழ்க்கையை எழுத்தில் வெளிப் படுத்தும்போது வேதனைகளின் வெளிப்பாடுகளாக அவை அமைவது தவிர்க்க இயலாதது. எனினும் இந்த வேதனைகள் வெறும் புலம்பல்களாக அல்லாமல் படைப்பூக்கத்துடன் வாழ்க்கையை விசாரிப்பதை இக்கதைகளில் உணரலாம்.

ஒருவர் எங்கு நடந்தாலும் எல்லாப் பாதைகளிலும் உதிர்ந்து கிடக்கும் நினைவுகளின் தடங்களே இந்தக் கதைகள்.

ISBN : 9789361103278

SIZE : 14.0 X 1.0 X 21.0 cm

WEIGHT : 180.0 grams

ஜி. குப்புசாமி

1 Dec 2025

சாந்தினி வரதராஜனின் ‘எல்லாம் இழந்த பின்னும்’ சிறுகதை நூலுக்கான மதிப்புரை

…இலங்கைத் தமிழ்ப் படைப்புகள் என்ற பொதுத்தலைப்பின் கீழ் போருக்கு முந்திய இலக்கியம், போருக்குப் பிந்திய இலக்கியம், போர்ச்சூழல் சார்ந்த படைப்புகள், இன்றைய காலகட்டத்தின் பதிவுகள், புலம்பெயர் படைப்புகள் என்று பல வகைமைகள் இருந்தாலும் ஒவ்வொன்றிலும் உட்பிரிவுகள் உண்டு. புலம்பெயர் படைப்புகளில் அகதிகளாகக் குடியேறுவது, குடியேறியவர்களின் சுய அனுபவக் கதைகள் ஒரு தனி வகையைச் சார்ந்தவை. இத்தொகுப்பில் உள்ள சாந்தினியின் கதைகள் அவ்வகையைச் சேர்ந்தவை…

…சொந்த வாழ்க்கை அனுபவங்களும் தன் இனத்தின் அவலங்களும் இழப்புகளும் செய்திப் பதிவுகளாக இல்லாமல் இலக்கியமாக்கப்படும்போது அவை மனித மொத்தத்தின் துயரமாக, அவலமாக மாறிவிடுகிறது. அப்போது எழுத்தாளர் உலகத்தின் பொதுக் குரலாகிவிடுகிறார். அப்போது தனிப்பட்டதும் தனிமையின் சாட்சியாக அல்ல மனித வாழ்வின் மொத்தக் கதையாகிறது...

நன்றி: ஜி. குப்புசாமி (அம்ருதா - டிசம்பர் 2025)

https://www.facebook.com/gkuppuswamy62/posts/pfbid0yC4xhD2U64QCM9rhY7rk7Jkuzgzp7TACUsmDLuwQnGecvbHsGaoyDzftxy3yfhRjl