உன் கதை என் கதை

₹340.00

-மேலும்

About Detail Reviews others

-கவிஞர்கள் சில்வியா பிளாத்-டெட் ஹியூஸ் இணையரின் திருமண வாழ்வு நவீன இலக்கியத்தின் மிகவும் பேசப்பட்ட, சோகமயமான நிகழ்வுகளில் ஒன்று.

இளம் வயதில் தற்கொலை செய்துகொண்டு இறந்துபோன சில்வியா பிளாத்தின் மீதான அனுதாபம் சில்வியா-டெட் ஹியூஸ் இணையரின் திருமண வாழ்வைப் பற்றிய பல புனைவுகளுக்கும் ஊகங்களுக்கும் இடமளித்தது. டச்சு எழுத்தாளரான கோனி பால்மன் புனைவுகள், ஊகங்கள், அவதூறுகள் ஆகியவற்றை விலக்கிவிட்டு, பல்வேறு ஆதாரங்களை ஆழமாக ஆராய்ந்து அவர்களது வாழ்வைப் புனைகதையாகப் படைத்துள்ளார்.

ஹியூஸின் பார்வையில் விரியும் இந்தக் கதை சில்வியாவைப் பற்றியும் இவர்களுக்கிடையே இருந்த உறவின் பல்வேறு பரிமாணங்களையும் சிடுக்குகளையும் புரிந்துகொள்ள உதவுகிறது. படைப்பூக்கத்தின் பரவசத்தையும் வேதனையையும் உணரச் செய்கிறது. எந்தக் குற்றச்சாட்டுக்கும் பதில் சொல்லாமல் இருந்த டெட் ஹியூஸின் குரலில் வெளிப்படும் இந்த நாவல் மிக நெருக்க மான ஒரு காதலின் வெளியில் தெரியாத சில பக்கங்களைக் காட்டுகிறது.

ISBN : 9789361107528

SIZE : 14.0 X 1.4 X 21.0 cm

WEIGHT : 295.0 grams

இமையம்

4 Feb 2026

கோனி பால்மனின் ‘உன் கதை என் கதை’ நாவல்

எழுத்தாளர் பரிந்துரை

“கவிஞர்களின் வாழ்வை ஆராயும் நாவல்”

நன்றி: இமையம்

முழுக் காணொலிக்கு:

https://www.youtube.com/watch?v=soUMIIVoodE

ஷங்கர்ராமசுப்ரமணியன் (x தளப் பதிவிலிருந்து)

1 Mar 2026

கோனி பால்மனின் ‘என் கதை உன் கதை’ நாவல் பார்வை

”நேசத்தின் அமிர்தமும் வெறுப்பின் நஞ்சும்”

சென்ற நூற்றாண்டின் பிற்பகுதியில் எழுந்த பெண்ணிய அலையின் அடையாளங்களில் ஒன்று கவிஞர் சில்வியா பிளாத். ஆத்மாநாமைப் போலவே வாழ்வையும் மரணத்தையும் பிரிக்க இயலாத வாழ்க்கை சில்வியா பிளாத்துடையது. 30 வயதுகளில் தற்கொலை செய்துகொண்ட சில்வியா பிளாத்துக்கும் அவரது கணவரும் நோபல் பரிசு பெற்ற கவிஞருமான டெட் ஹ்யூக்ஸ்க்கும் இடையிலான காதல், திருமண வாழ்க்கை மீதான புனைவு இது... டச்சு எழுத்தாளர் கோனி பால்மன், இரண்டு பேராளுமைகளான இக்கவிஞர்களின் வாழ்க்கை வரலாற்றை முழுமையாக ஆராய்ந்து எழுதிய நாவல் இது. நேசத்தின் ஆழமான அமிர்தமும், வெறுப்பின் நஞ்சும் கலந்த அவர்களின் காதல் உறவை கோனி பால்மன் அபாரமாக புனைவில் சாதித்துள்ளார். இதுபோன்ற நஞ்சும் அன்பும் காமமும் கலந்த உறவுகளை அனுபவித்தவர்களுக்கு இந்த நாவல் மேலும் அர்த்தங்களை விரிக்கலாம்..மொழிபெயர்ப்பாளர் அரவிந்தன் சிக்கலான இந்தப் படைப்பை மலினப்படுத்தாமலேயே தமிழுக்குக் கடத்தியுள்ளார்.

நன்றி: ஷங்கர்ராமசுப்ரமணியன் (x தளப் பதிவிலிருந்து)

முழுமையாகப் பார்க்க:

https://x.com/SankarPonn77381/status/2027975056136266230...