எமிலி டிக்கின்ஸன் (1830-1886)

அமெரிக்கக் கவிஞர் எமிலி டிக்கின்ஸன் 1789 கவிதைகளை எழுதியிருந்தபோதிலும், அவர் வாழ்நாளில் பிரசுரமான கவிதைகளின் எண்ணிக்கை இரு கை விரல்களுக்குள் அடங்கிவிடுபவையே. அவர் மறைந்த பின் கண்டெடுக்கப்பட்ட புதையலே அவரது கவிதைகள். பிறருடைய பார்வைக்கென்று இல்லாதவையே அவரது தோட்டமும் அவரது கவிதைகளும். வாழ்நாளில் தன் தந்தையாரின் நிலப்பரப்பைத் தாண்டியிராத அவருடைய கவிதைகளோ காலம், காலாதீதம், இறப்பு, இறவாமை, இயற்கை, இறைவன் என்று பிரபஞ்ச அளவில் சஞ்சரிப்பவை.