தேவதச்சன் (பி. 1952) தேவதச்சனின் இயற்பெயர் ஏ.எஸ். ஆறுமுகம். தூத்துக்குடி மாவட்டம் கோவில்பட்டியில், பாரம்பரியம் மிக்க வணிகக் குடும்பத்தில் பிறந்த இவர், நகைக்கடை நடத்தி வருகிறார். தத்துவத்தில் முதுகலைப்பட்டம் பெற்றவர். எழுபதுகளின் ஆரம்பத்தில் கசடதபற, ழ இதழ்களில் இவரது கவிதைகள் வெளியாகத் தொடங்கின. சமீபகாலமாக அதிக எண்ணிக்கையில் கவிதை எழுதிவரும் தேவதச்சன், தமிழ் நவீனக் கவிதையின் சிந்தனாவாதப்போக்கில் முதன்மையான பங்குவகிக்கிறவர்களில் ஒருவர்.