நாகரத்தினம் கிருஷ்ணா (பி. 1952) புதுச்சேரியைப் பூர்வீகமாகக் கொண்ட நாகரத்தினம் கிருஷ்ணா கடந்த இருபத்தைந்து ஆண்டுகளாக பிரான்சு நாட்டின் கிழக்கில் ஸ்ட்ராஸ்பூர் நகரில் வசிக்கிறார். சமூகவியலில் முதுகலைப் பட்டம் பெற்ற இவர் சொந்தமாக வணிகம் நடத்துவதோடு ஆங்கிலம்- ஃபிரெஞ்சு மொழிபெயர்ப்பாளராகவும் செயல்பட்டுவருகிறார். நவீன ஃபிரெஞ்சு இலக்கியத்தைத் தமிழுக்கு அறிமுகப்படுத்துவதில் ஆர்வம்கொண்டவர். தமிழில் நான்கு நாவல்கள், ஐந்து சிறுகதைத் தொகுப்புகள், ஒன்பது கட்டுரைத் தொகுப்புகள் வெளிவந்துள்ளன. மொழிபெயர்ப்புகள்: ஃபிரெஞ்சிலிருந்து தமிழில் மூன்று நாவல்கள், மூன்று சிறுகதைத் தொகுப்புகள், ஒரு கட்டுரை நூல்; தமிழிலிருந்து ஃபிரெஞ்சுக்கு அம்பையின் சிறுகதைகளை மொழிபெயர்த்துள்ளார்.