சேரன் (பி. 1960) ஈழத்து நவீனக் கவிதையின் முதல்வரான மஹாகவியின் மகன். சேரன் தமிழிலும் ஆங்கிலத்திலும் பல இதழ்களில் தொடர்ந்து பத்தி எழுதியுள்ளார். அவருடைய ஆங்கில நாடகங்கள் கனடாவிலும் அமெரிக்காவிலும் அரங்கேற்றப்பட்டுள்ளன. கவிதைகளும் பிற படைப்புகளும் ஆங்கிலம், ஜெர்மன், மலையாளம், கன்னடம், சிங்களம், ஸ்வீடிஷ் உட்பட இருபது மொழிகளில் மொழிபெயர்க்கப்பட்டுள்ளன. ‘What If the Rain Fails’, ‘Canto of War’, ‘Not By Our Tears’ ஆகிய அவருடைய ஆங்கில நாடகங்களை கனடாவின் Asylum Thetare Group தயாரித்துக் கனடாவிலும் அமெரிக்காவிலும் மேடையேற்றி வருகிறது. சேரன் கவிதைகள் செல்வா கனகநாயகத்தின் மொழிபெயர்ப்பில் ‘You Cannot Turn Away’ (Toronto: TSAR Publishers, 2011) எனவும் லக்ஷ்மி ஹோம்ஸ்ரோம், சாஷா எபெல்லிங் ஆகியோரின் மொழிபெயர்ப்பில் ‘In a Time of Burning’ (Todmorden, UK: Arc Publications, 2013) ‘The Second Sunrise’ (Delhi: Navayana, 2012) எனவும் வெளியாகியுள்ளன. பவானி தம்பிராஜாவின் மொழிபெயர்ப்பில் டச்சு மொழியில் Het Verhaal Van de Zee, 2018, Liefsde Kent Geen Sleur (2018) என இரு நூல்கள் வெளியாகியுள்ளன. வங்காள மொழியில், ‘நிர்பச்சிதோ கொபிதா’ என்ற தலைப்பில் சோபிக் டி சர்க்காரின் மொழிபெயர்ப்பில் தெரிந்தெடுக்கப்பட்ட கவிதைகள் 2017இல் வெளியாகியது. இவர் கனடாவின் விண்சர் பல்கலைக்கழகத்தில் சமூகவியல், மானிடவியல் துறையில் பேராசிரியராகப் பணியாற்றுகிறார். மின்னஞ்சல் : cheran@uwindsor.ca