1941இல் ஃபலஸ்தீனத்தில் ‘அல் பிர்வா’ எனும் கிராமத்தில் விவசாயக்

குடும்பத்தில் பிறந்தார். 1948இல் இஸ்ரேலியர் ஆக்கிரமிப்பின்போது

அவருடைய குடும்பம் லெபனானுக்குப் புலம்பெயர்ந்தது. 1949இல்

‘அல் ஜலீ’லுக்கு அருகிலுள்ள ‘தைர் அல் அஸத்’ எனும் கிராமத்தில்

தர்வீஷின் குடும்பம் குடியேறியது. இதுவும் இஸ்ரேலிய ஆக்கிரமிப்பில்

இருந்தது.

தனது இளமைப் பருவத்தில் எகிப்து, லெபனான், தூனிஸ், பாரிஸ்

உள்ளிட்ட பல்வேறு நாடுகளுக்குப் புலம்பெயர்ந்திருக்கிறார். 1961

முதல் இஸ்ரேலிய ராணுவத்தால் பல முறை கைதுசெய்யப்பட்டுள்ளார்.

இஸ்ரேலிய கம்யூனிஸ்ட் கட்சியின் அல் இத்திஹாத், அல் ஜதீத்,

ஃபலஸ்தீனிய விடுதலை இயக்கத்தின் (PLO) ஷுஊன் ஃபலஸ்தீனிய்யா

ஆகிய பத்திரிகைகளில் ஆசிரியராகப் பணியாற்றியுள்ளார். 1981இல்

பெய்ரூத்தில் அல் கர்மல் என்ற பண்பாட்டு இதழைத் தொடங்கினார்.

தர்வீஷ் பத்தொன்பதாம் வயதில் (1960) ‘அஸாஃபீர் பிலா அஜ்னிஹா’

(சிறகிழந்த பறவைகள்) எனும் தனது முதல் கவிதைத் தொகுப்பை

வெளியிட்டார். 1964இல் வெளிவந்த ‘அவ்ராக் அல் ஸைய்தூன்’ (ஆலிவ்

இலைகள்) என்ற இரண்டாவது கவிதைத் தொகுப்பின் மூலம் உலகம்

முழுவதும் புகழடைந்தார். 30க்கும் மேற்பட்ட கவிதை, உரைநடைத்

தொகுதிகளை எழுதியுள்ளார்.

ஆசிய ஆப்ரிக்க எழுத்தாளர் கூட்டமைப்பின் ‘தாமரை’ விருது,

சோவியத் யூனியனின் ‘லெனின்’ விருது, ‘இப்னு சீனா’ விருது,

பிரான்ஸ் பண்பாட்டு அமைச்சகத்தின் ‘இலக்கிய’ விருது, அமெரிக்க

லன்னான் நிறுவனத்தின் ‘பண்பாட்டுச் சுதந்திரம்’ விருது உள்ளிட்ட

30க்கும் மேற்பட்ட விருதுகளைப் பெற்றுள்ளார்.

2008, ஆகஸ்ட் 9இல் அமெரிக்காவில் மரணமடைந்த தர்வீஷ் ஆகஸ்ட்

13இல் ரமல்லாவில் அடக்கம் செய்யப்பட்டார்.