டி.எம். கிருஷ்ணா (பி. 1976)

தொடூர் மாடபூசி கிருஷ்ணா. கர்னாடக இசையுலகில் தனித்த அடையாளம் பெற்ற குரல். மேடைக்கு வெளியிலும் தனித்து ஒலிக்கும் குரல். இசைச் சூழலின் சகல அம்சங்களையும் கூர்மையான கேள்விகளுக்கு உட்படுத்தும் சமூக அக்கறை கொண்ட கலைஞர். இசை, இசைச் சூழல் ஆகியவை குறித்த இவரது ஆழமான தேடலையும் கூர்மையான கேள்விகளையும் கொண்ட ‘சதர்ன் மியூஸிக் - த கர்னாடிக் ஸ்டோரி’ என்னும் நூலும் இவரது கட்டுரைகளும் இசை உலகிலும் அறிவுலகிலும் தொடர்ந்து அதிர்வுகளை எழுப்பிவருகின்றன. ரோமன் மகசஸே விருது உள்ளிட்ட பல்வேறு விருதுகளைப் பெற்றவர்.