ISBN   : 9789355231208

SIZE   : 14.2 X 1.4 X 21.5 cm

WEIGHT  : 350.0 grams

சரவணன் மாணிக்கவாசகம்

5 Jul 2024

அல்பேனியர்களுக்குவிருந்தாளி என்பவன்அரைக்கடவுள். தகப்பன், மகனைக்கொன்றவர்களைக்கூடவிட்டுவிடுவார்கள், ஆனால்தங்கள்வீட்டுக்குஅடைக்கலம்தேடிவந்தவிருந்தாளியைக்கொன்றவனைப்பழிவாங்காமல்விடமாட்டார்கள். இப்படித்தான்எழுபதுவருடங்களுக்குமுன்வீட்டுக்குவந்தவிருந்தாளியைக்கொன்றவனைப்பழிவாங்க, அவர்கள்குடும்பத்திலிருந்துஒருவன்இவனைப்பழிவாங்கஎன்றுஇத்தனைவருடங்களில்நாற்பத்தியிரண்டுகல்லறைகள்ஆனது. இருபத்தாறுவயதுஇளைஞன்அண்ணனைக்கொன்றவனைஇவன்பழிவாங்கியேஆகவேண்டும்என்றுதந்தைவற்புறுத்தியதால், அவனைக்கொல்வதில்இருந்துநாவல்ஆரம்பிக்கிறது.

இரண்டு கதைகள் ஒன்றுடன் ஒன்று கலந்தும், கலக்காமலும் பயணமாகின்றன. விருப்பத்திற்கு மாறாகக் கொலை செய்தவனுக்கு வழங்கப்பட்ட ஆயுட்காலம் முப்பது நாட்கள். அதன் பின்னர் அவன் எப்போது வேண்டுமானாலும் கொல்லப்படலாம். மற்றொரு கதையில் எழுத்தாளனும் அவன் இளம் மனைவியும் கனவுப் பயணம் போன்ற அல்பேனிய மேட்டுநிலத்திற்குத் தேனிலவுக்கு செல்கிறார்கள். காதலர் உடலளவில், மனதளவில் நெருங்கத்தானே தேனிலவு? பார்க்கலாம் என்ன நிகழ்கிறதென்று.

இருபதாம் நூற்றாண்டின் தொடக்கத்தைத் தன் காலகட்டமாகக் கொண்ட இந்த நாவலில் மேட்டுநிலத்தின் நிலப்பரப்பு, அந்த மக்களின் கலாச்சாரம், கிராமத்து நீதிகளும் சட்டங்களும், முட்டாள்தனமான பழிவாங்கும் பாரம்பரியம் அதற்காக உயிர்களையும் ஆயுள் சேமிப்பையும் இழப்பது, அதை அரசாங்கம் தனக்கு வருவாய் ஈட்டும் வழியாகப் பயன்படுத்திக்கொள்வது என்று முற்றிலும் நாமறியாத உலகத்திற்குள் இந்த நாவல் நம்மைக் கைப்பிடித்து அழைத்துச் செல்கிறது.

Symbols and Subtlety இந்த நாவலில் மிக அதிகம். உதாரணத்திற்கு நாவலின் ஆரம்பத்தில் மாதுளையும், பனியும் பலமுறை சொல்லப்படுகின்றன. மாதுளை-இரத்தம், பனி-சமாதானம். இரண்டில் அவன் எதைத் தேர்ந்தெடுக்கப்போகிறான்? இதுபோல் நாவலில் பல இடங்கள். கவனம் சிதறாமல் வாசிக்க வேண்டும். அதேபோல் டயானாவின் மனமாற்றம். எதிரில் பார்த்தும் பார்க்காமல் போகிற பெண், அடுத்த நாள் இறக்கப்போகிறான் என்பது தெரிந்தால் அணைத்து முத்தம் கொடுக்கத் தயங்காமல் இருக்கப்போவது எத்தனை பேருக்குத் தெரியும். பெண்கள் மனத்தை அவர்களே புரிந்துகொள்ள முடியாது. கதையின் முடிவு அப்படியே ஆரம்பத்தின் mirroring.

கதாரேயை ஆரம்பிப்பது என்பது மைசூர்பாகின் துளி விள்ளலைச் சுவைத்துவிட்டு நிறுத்திக்கொள்வோம் என்பதுபோன்ற மனநிலை. தீரும்வரை கையும் வாயும் சும்மா இருக்கப்போவதில்லை. பா.வெங்கடேசனை ஏற்கனவே ரசித்தவர்களுக்கு இந்த நாவலில் அவரையும் கதாரேயையும் ஒருங்கே ரசிக்கும் வாய்பை அளிக்கும் மொழிநடை. புதிதாக வாசிப்பவர்கள் பொறுமையாக வாசியுங்கள். பொறுமையில்லாதோருக்குக் காதலிகள் கிடைத்ததாக வரலாறேயில்லை.

(நன்றி: முகநூல் பதிவு)