மலர்வதி இயற்பெயர் மேரி புளோரா. கன்னியாகுமரி மாவட்டம், தக்கலையை அடுத்த வெள்ளிகோடு பகுதியில் வசித்து வருகிறார். ஒன்பதாம் வகுப்பின் பாதியில் படிப்பு பறிபோனது. அதன்பின் தொடர்ந்த வாசிப்புகளும், பல்வேறு வாழ்க்கை அனுபவங்களுமே இலக்கியத்துக்கான காரணங்களாகின. தொடக்ககால எழுத்துகள் நாடகங்களாக வெளிவந்தன. அதன்பின் சமயம்சார்ந்த கட்டுரைகள், தவக்கால வழிபாட்டு நூல்கள் ஆகியன மூன்று தொகுதிகளாக வெளிவந்தன. தொடர்ந்து தமிழ்நாடு திறந்தநிலைப் பல்கலைக்கழகம் வழியாக பி.லிட் தமிழ் கற்றார். 2008ஆம் ஆண்டு வெளிவந்த ‘காத்திருந்த கருப்பாயி’ நாவல் முதல் படைப்பு. அதன்பின் 2012ஆம் ஆண்டு வெளியான ‘தூப்புக்காரி’ நாவல் சாகித்ய அகாதெமி யுவ புரஸ்கார் விருதைப் பெற்றது. ‘காட்டுக்குட்டி’ நாவல் 2015இல் வெளிவந்தது. 2015ஆம் ஆண்டு முதல், குமுதம் தீராநதியில் சூழல் சார்ந்த கட்டுரைகள், எழுத்து ஆளுமைகளின் நேர்காணல்கள் சிறுகதைகள் எழுதிக்கொண்டிருக்கிறார். இத்தொகுப்பு முதல் சிறுகதைத் தொகுப்பு. அம்மா: எம். ரோணிக்கம், அப்பா: ஜி. எலியாஸ். அண்ணன்: E. ஸ்டிபன், அக்கா: E. மேரி லதா. தொடர்பு எண்: 9443514463 மின்னஞ்சல்: malarvathi26@gmail.com