ந. ஜயபாஸ்கரன் (பி. 1947) மதுரையில் பிறந்தவர். தியாகராசர் கல்லூரியில் முதுகலை தமிழும் அறிஞர் எஸ்.ஆர்.கே.யிடம் முதுநிலை ஆங்கிலமும் பயின்றுள்ளார். பேராசிரியர் சி.ஆர். அனந்தராமனிடம் சமஸ்கிருதம் சொல்லிக் கொண்டுள்ளார். ‘அர்த்தநாரி’ (1987), ‘அவன்’ (1989), ‘அவள்’ (1999), ‘சிறுவெளி வியாபாரியின் ஒருவழிப் பயணம்’ (2013) ஆகிய கவிதைத் தொகுப்புகள் இதுவரை வெளிவந்துள்ளன. மதுரை வெண்கலக்கடைத் தெருவில் தன் தந்தை நிறுவிய பாத்திரக் கடையைத் தொடர்ந்து நடத்தி வருகிறார். மனைவி, இரு மகன்கள், ஒரு மகளும் உள்ளனர்.