நாகம்மாள்

₹150.00

நாகம்மாள் என்னும் பாத்திரத்தை மையமாகக்கொண்ட இந்த நாவல், பெண்ணைச் சுயசிந்தனையும் செயல்பாடும் உடையவளாகப் படைத்த விதத்தில் … மேலும்

இந்த புத்தகத்தின் இ-புத்தக பதிப்பை வாங்க

இ-புத்தகம் விலை : ₹

நூலாசிரியர்: ஆர். ஷண்முகசுந்தரம் |
வகைமைகள்: விற்பனையில் சிறந்தவை | தமிழ் கிளாசிக் நாவல் |

About Detail Reviews others

நாகம்மாள் என்னும் பாத்திரத்தை மையமாகக்கொண்ட இந்த நாவல், பெண்ணைச் சுயசிந்தனையும் செயல்பாடும் உடையவளாகப் படைத்த விதத்தில் முதன்மைத் தன்மை வாய்ந்தது. தமிழின் தொடக்க நாவல்கள் பெரும்பாலும் பெண்களையும் அவர்கள் பிரச்சினைகளையும் பற்றியவையே. ஆனால் அவற்றில் வரும் பெண்களுக்குச் சுய முகம் எதுவுமில்லை. ஆண்கள் பரிதாபப்பட்டு வழங்கும் அடையாளங்களைத் தரித்தவர்களாகவே அவர்கள் உள்ளனர். நாகம்மாளை அந்த வரிசையில் சேர்க்க முடியாது. தன் சுதந்திரத்திற்காகவும் எதிர்காலத்திற்காகவும் தன் சக்திக்கு உட்பட்டுக் கலகத்தைத் தோற்றுவிக்கும் இயல்புடையவளாக நாகம்மாள் விளங்குகிறாள்.

ஆர். ஷண்முகசுந்தரம்

ஆர். ஷண்முகசுந்தரம் (1917 – 1977) திருப்பூர் மாவட்டம், காங்கயம் வட்டத்தில் உள்ள கீரனூர் என்னும் சிற்றூரில் பிறந்தவர். ‘மணிக்கொடி’ இதழில் சிறுகதை எழுத்தாளராக அறிமுகமானார். 1942இல் ‘நாகம்மாள்’ நாவலை எழுதினார். ‘பூவும் பிஞ்சும்’, ‘பனித்துளி’, ‘அறுவடை’, ‘தனிவழி’, ‘சட்டி சுட்டது’, உள்ளிட்ட இருபதுக்கும் மேற்பட்ட நாவல்களையும் பல சிறுகதைகளையும் எழுதியுள்ளார். வசன கவிதை, நாடகம், கட்டுரைகள், மொழிபெயர்ப்பு எனப் பல தளங்களில் இயங்கியவர். ‘பதேர் பாஞ்சாலி’ உள்ளிட்ட நூற்றுக்கும் மேற்பட்ட நாவல்களை மொழிபெயர்த்துத் தமிழுக்குத் தந்துள்ளார். ‘நாகம்மாள்’ மூலம் தமிழின் வட்டார நாவல் துறையைத் தொடங்கிவைத்த இலக்கிய முன்னோடி இவர். தன் தம்பி ஆர். திருஞானசம்பந்தத்துடன் இணைந்து பல்வேறு இலக்கியச் செயல்பாடுகளில் ஈடுபட்டார். ‘வசந்தம்’ என்னும் இலக்கிய இதழைப் பல்லாண்டுகள் நடத்தினார். புதுமலர் நிலையம் என்னும் பதிப்பகம், புதுமலர் அச்சகம் ஆகியவையும் இவர்கள் நடத்தியவை. இவரது மனைவி: திருமதி வள்ளியம்மாள்.

ISBN : 9788189945169

SIZE : 14.0 X 0.7 X 21.5 cm

WEIGHT : 153.0 grams

கண்ணன் ராமசாமி (முகநூல் பதிவு)

27 Mar 2025

ஆர். ஷண்முகசுந்தரம் எழுதிய ‘நாகம்மாள்’ நாவல் பற்றிய பார்வை
“நாவல்கள் அரசியல் மட்டும் தான் பேச வேண்டும் என்ற எதிர்பார்ப்புக்குள் அடங்காத உணர்வு சார் அரசியலை விவாதிக்கும் கதையிது. ஆண் மைய உலகின் எதிர்பார்ப்புகள், பெண் குறித்தான கண்ணோட்டங்களை உள்ளதை உள்ளபடியே பதிவு செய்திருக்கிறார். கதைக்குள் பயணிக்கும் நாகம்மாள் என்கிற பிரதான பாத்திரம், இயல்பாகவே அடங்காப் பிடாரிகளின் குணத்தைப் பெற்றிருக்கிறாள். ஆனால், அவளுடைய உரிமைகளை நாம் உணர்ந்து புரிந்துகொள்ளும்போதுதான் அவள் இக்கதையின் அசலான நாயகி என்பதை உணர்வோம்.”
முழுப்பதிவையும் வாசிக்க: https://www.facebook.com/share/1JSLps498C/

அமுதா (இன்ஸ்டாக்ராமிலிருந்து)

20 Mar 2026

ஆர். ஷண்முகசுந்தரத்தின் ‘நாகம்மாள்’ கிளாசிக் நாவல்

வாசிப்பு

”கிராம சமூகமும் ஆணாதிக்கமும் எப்படி மனித வாழ்க்கையை வடிவமைக்கிறது என்பதைக் காட்டும் நாவல். கதையை விடக் காலத்தையும் சமூகத்தையும் புரிந்துகொள்ளப் படிக்க வேண்டிய படைப்பு.”

நன்றி: அமுதா (இன்ஸ்டாக்ராமிலிருந்து)

முழுமையான வாசிக்க:

https://www.instagram.com/p/DWGWOW_GKoT/?hl=en&img_index=1

அமுதும் தமிழும் (இன்ஸ்டாக்ராமிலிருந்து)

25 Mar 2026

கொங்கு நிலத்தில் உள்ள வெங்கமேடு என்ற சிற்றூரில் ஒரு சந்தைக்கு வரும் நாகம்மாள் என்ற விதவையைச் சித்தரிப்பதிலிருந்து கதை தொடங்குகிறது. வெங்கமேட்டிற்கு மேற்கில் மூன்றாவது மைலில் இருக்கும் சிவியார் பாளையமே அவளின் கிராமம்.நாகம்மாள் துணிச்சலும் சுதந்திர எண்ணமும் கொண்டவள்; எவருக்கும் எளிதில் அடங்காத குணம் உடையவள்.

கணவன் இறந்த பிறகு, அவள் தம்பி சின்னைய்யன் மற்றும் அவனது மனைவி ராமாயியுடன் வசிக்கிறாள்.சொத்து தொடர்பான பிரச்சினைகள் காரணமாக, நாகம்மாளுக்கும் சின்னைய்யன்–ராமாயி இருவருக்கும் இடையில் மனக்கசப்பு உருவாகிறது.

ஊரில் வம்புகளில் ஈடுபடுபவனான கெட்டியப்பன் உதவியுடன் சொத்துகளைப் பிரித்துக்கொள்ள அவள் நினைக்கிறாள். ஆனால் சூழ்நிலைகள் மோசமடைந்து, ஒரு கடுமையான சண்டையில் மோசமான திருப்பத்துடன் முடிகிறது.

Nagammal is the first Tamil novel to revolve around the life of independent women. A modern classic in Tamil.<\p>

நீங்கள் விரும்பும் புத்தகங்கள்

நாகம்மாள் (இ-புத்தகம்)

₹106.20

அறுவடை (இ-புத்தகம்)

₹92.04

அறுவடை

₹130.00